ԷՐԱԶՄՈՒՍ+ ԴԱՍԱԽՈՍՈՒԹՅՈՒՆ
Սեպտեմբերի 28, 2026 
ՀԱՍՑԵԱՏԵՐ՝
ԳԿՄԿ ուսանողներ, շրջանավարտներ, աշխատակիցներ, ԳԱԱ աշխատակիցներ
ԴԱՍԱԽՈՍ՝
Պրոֆեսոր ԷՈՒՋԻՆԻՈ ԶԻՏՈ (Իտալիա)
Կենսագրական ակնարկը՝ այստեղ․
ՎԱՅՐ՝ ՀՀ ԳԱԱ ԳԿՄԿ, 10 հարկի դահլիճ
ԺԱՄ՝ 14:00
ՏԵՎՈՂՈՒԹՅՈՒՆ՝ 90 րոպե
ԹԵՄԱ՝ «ՄԱՐԴՈՒ ՄԱՐՄՆԻ ԵՎ ԽՆԱՄՔԻ ԳՈՐԾԸՆԹԱՑՆԵՐԻ ՄԱՐԴԱԲԱՆԱԿԱՆ ՏԵՍԱՆԿՅՈՒՆՆԵՐԸ ԵՎ ԱՌՈՂՋԱՊԱՀԱԿԱՆ ՀԱՄԱՏԵՔՍՏԵՐՈՒՄ ԱԶԳԱԳՐԱԿԱՆ ՊՐԱԿՏԻԿԱՆ»
ԴԱՍԱԽՈՍՈՒԹՅՈՒՆ՝ 2 մոդուլով
«ՄՇԱԿՈՒԹԱՅԻՆ-ՍՈՑԻԱԼԱԿԱՆ ԵՎ ԲԺՇԿԱԿԱՆ ՄԱՐԴԱԲԱՆՈՒԹՅԱՆ ՄԵՋ ՀԵՏԱԶՈՏՈՒԹՅԱՆ ՄԵԹՈԴՆԵՐ․ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐԻՑ ՄԻՆՉԵՎ ԺԱՄԱՆԱԿԱԿԻՑ ԱՌԱՋԱԴԵՄ ԱԶԳԱԳՐԱԿԱՆ ՄՈՏԵՑՈՒՄՆԵՐ»
ԴԱՍԱԽՈՍՈՒԹՅԱՆ ՀԱՄԱՌՈՏ ՆԿԱՐԱԳԻՐ
Կարճ դասընթաց, որն անցկացվելու է ինտերակտիվ ձևաչափով և բաղկացած է երկու մոդուլից։ Այն նպատակ ունի ներկայացնել մշակութային-սոցիալական և բժշկական մարդաբանության ոլորտներում հետազոտության մեթոդաբանությանը վերաբերող մի շարք հիմնական և առաջադեմ հասկացություններ։
Առաջին մոդուլում առանձնահատուկ ուշադրություն է դարձվելու հետազոտության փուլերի և համատեքստերի սահմանմանը, ազգագրական հետազոտություն իրականացնելու էության հստակ բացատրությանը, ինչպես նաև դիտարկման և մասնակցային դիտարկման մեթոդների կիրառմանը, այդ թվում՝ թվային միջավայրերում, և դաշտային հետազոտության ընթացքում հարցազրույցի գործիքի կիրառմանը՝ մարդաբանական տեսանկյունից։
Երկրորդ մոդուլում առանձնահատուկ ուշադրություն է դարձվելու բժշկական մարդաբանության սահմանմանը և դրա մեթոդաբանական առանձնահատկություններին։ Մեթոդաբանական տեսանկյունից քննության է առնվելու մասնակցային դիտարկման կարևոր դերը առողջապահական համատեքստերը հասկանալու գործում՝ հաշվի առնելով դրանց հատուկ լեզուները, ինչպես նաև մշակութային և սոցիալական շրջանակներն ու դինամիկան։
Երկու մոդուլների ընթացքում կներկայացվեն տարբեր համատեքստերում իրականացված հետազոտական գործունեության օրինակներ, և հնարավորություն կտրվի քննարկելու ժամանակակից մարդաբանությանը վերաբերող կարևոր մեթոդաբանական հարցեր։