Հայտարարություն

Հարգելի ուսանողներ, ասպիրանտներ և դասախոսներ,

ՀՀ ԳԱԱ ԳԿՄԿ-ի տնտեսագիտության ամբիոնը և ազգային հետազոտական և կրթական ցանցը ASNET-AM-ը  գիտական և կրթական համայնքի համար ս.թ. մայիսի 1-ից  կազմակերպում են 10 շաբաթ տևողությամբ  «Տվյալագիտության դասընթացներ» շարքից «Տվյալների վերլուծություն R  միաջավայրում սկսնակների համար» դասընթացը:

Տվյալների մեծամասշտաբ հավաքագրումը, գրագետ ներկայացումն ու վերլուծությունը  խիստ արդիական են և վերլուծության արդյունքում տվյալներից թաքնված օրիչափությունները գտնելու, անհրաժեշտ ինֆորմացիան կորզելու հմտությունները լայն պահանջարկ ունեն մասնագիտական բազմաթիվ ոլորտներում:  Տվյալագիտությունը լայն բնագավառ է, որի մի մասն է կազմում վիճակագրությունը:, տվյալների վիճակագրական վերլուծությունը:

Վերլուծություն իրականացնելու գործիք է R ծրագրավորման լեզուն, որն ի սկզբանե ստեղծվել է վիճակագրական վերլուծություններ իրականացնելու համար և վերլուծաբանների շրջանում ամենատարածված ծրագրավորման լեզուներից մեկն է:  R-ում իրականացված են գործնական բոլոր վիճակագրական մեթոդները՝ ինչպես դասական, այնպես էլ գերժամանակակից: Շատ և շատ ընկերություններ, օրինակ, GOOGLE, UBER, FACEBOOK, TWITTER, IBM, MICROSOFT, ներկայումս օգտագործում են այս լեզուն:

Դասընթացի ավարտին.

1) կունենաք վիճակագրության և տվյալների վերլուծության ընդհանուր գիտելիքներ

2) կկարողանաք օգտագործել R ծրագրավորման լեզուն տվյալների վերլուծության համար , ինչպես նաև այլ հաշվարկներ կատարելու համար

3) կտիրապետեք տվյալների  նախապատրաստման, խմբագրման, մաքրման, տվյալներից ընդհանուր տեղեկություն ստանալու և վիզուալիզացման հմտություններին

4) կծանոթանաք տվյալների վերլուծության մի քանի կարևոր մեթոդներին և կտիրապետեք կիրառման ալգորիթմներին

5) կկարողանաք ճիշտ մեկնաբանել ստացված արդյունքները

Դասընթացին գրանցվելու համար՝ https://forms.gle/iRBY4vzk9pgNGo1V6      

Դասընթացի մանրամասները կարող եք ծանոթանալ կից ֆայլում