Գլխավոր էջ





Ուսանողական խորհուրդ

Մեր մասին  
Կազմ  
ՈՒԽ գործունեություն  
 



Կրթությունը բոլոր ժամանակներում և բոլորի կյանքում չափազանց մեծ դերակատարում ունի։ Այն լավագույն միջոց է անհատի ինքնադրսևորման և անձի կատարելագործման համար: Կրթությունը բարեկիրթ հասարակության գլխավոր գրավականն է և պետության մշտակայունության տեսանկյունից ռազմավարական նշանակություն ունի։ Հատկանշական է, որ նորագույն տեխնոլոգիաների զարգացման դարում կրթության դերի կարևորությունը կրկնապատկվել է, քանի որ աշխարհը զարգանում է աննախադեպ արագությամբ, իսկ մենք պարտավոր ենք քայլել աշխարհին համընթաց:

ՀՀ Գիտությունների ազգային ակադեմիան՝ որպես գիտության և կրթության ջատագով, նպաստում է որակյալ կրթության տարածմանը: Այդ գործում զգալի ավանդ ունի նաև Գիտակրթական միջազգային կենտրոնը: Հպարտությամբ կարող եմ նշել, որ արդեն երկրորդ մասնագիտությունն եմ ձեռք բերում այստեղ: Գիտակրթական միջազգային կենտրոնում կարևորում են յուրաքանչյուր ուսանողի, յուրաքանչյուրին ցուցաբերում են անհատական մոտեցում։

Ուսանողական խորհրդի նախագահի գլխավոր խնդիրներից եմ համարում ուսանողների համախմբումը, նրանց ներգրավումը Կենտրոնում կատարվող աշխատանքներին,  ինչպես նաև որպես ուսխորհրդի հաջորդ նախագահ՝ արժանի թեկնածուի առաջադրումը: Ուսանողական խորհրդի նախագահի առաջնային նպատակներից եմ համարում ուսանողների շահերի պաշտպանությունը և իմ լիազորությունների շրջանակներում նրանց առաջ քաշած խնդիրներին լուծում տալը:

Հարգանքով`

ՈւԽ նախագահ Լուսինե Սողոմոնյան