Մագիստրանտի Էրազմուս + միջազգային կրեդիտային փոխանակման ծրագրի մրցույթ Լիլի համալսարան, Ֆրանսիա
Մարտի 17, 2026Էրազմուս+ կրեդիտային շարժունության ծրագրի շրջանակներում ՀՀ ԳԱԱ գիտակրթական միջազգային կենտրոնի «Երկրաբանության» ամբիոնի երկրորդ կուրսի ուսանողները հնարավորություն ունեն 2026-2027 ուստարվա առաջին կիսամյակը ուսանելու Լիլի համալսարանում:
Մասնակցության համար անհրաժեշտ է՝
- լինել ՀՀ ԳԱԱ ԳԿՄԿ «Երկրաբանություն» ամբիոնի երկրորդ կուրսի ուսանող,
- տիրապետել անգլերենին՝ Լեզուների իմացության եվրոպական շրջանակի B2 մակարդակին համապատասխան։
Մրցույթի առաջին փուլին մասնակցելու համար անհրաժեշտ է մինչև ս.թ. մարտի 20-ը ներառյալ ella․papikyan@isec.am և lilit.sargsyan@isec.am էլեկտրոնային հասցեներին ուղարկել հետևյալ փաստաթղթերը (որպես մեկ pdf փաստաթուղթ)՝
- անձնագրի պատճեն,
- ինքնակենսագրական՝ (CV) «Europass» ձևաչափով,
- մոտիվացիոն նամակ (motivation letter),
- առաջադիմության տեղեկանք (ընթացիկ ՄՈԳ),
- տեղեկանք ՀՀ ԳԱԱ ԳԿՄԿ ընդհանուր բաժնից։
Փաստաթղթային փուլը հաղթահարած մասնակիցների հետ կանցկացվի բանավոր հարցազրույց անգլերենով:
Գնահատման չափանիշներն են՝
- անգլերենի իմացություն՝ B2 մակարդակ,
- ընթացիկ ՄՈԳ։
Ուսուցման լեզուն՝ անգլերեն:
Լիլի համալսարանի վեբկայքը՝ https://www.univ-lille.fr/etudes/decouvrir-loffre-de-formation/
Անգլերեն դասընթացների ցանկը՝ https://international.univ-lille.fr
Հարցերի դեպքում և հավելյալ տեղեկություններ ստանալու համար դիմել ՀՀ ԳԱԱ ԳԿՄԿ արտաքին կապերի բաժին (ԳԿՄԿ կենտրոնական մասնաշենք, 7-րդ հարկ)։
Հեռ․՝ (+374 60) 62-35-98
Էլ. հասցե՝ ella.papikyan@isec.am