ՀՐԱՎԵՐ
Մայիսի 7, 2026ՀՐԱՎԵՐ՝
Տուշայի համալսարանի պրոֆեսոր Անդրեա Պետրոսելլիի դասախոսություններին մասնակցելու
Հարգելի' ուսանողներ և դասախոսներ,
ԳԿՄԿ Երկրաբանության ամբիոնի և ՀՀ ԳԱԱ Երկրաբանական գիտությունների ինստիտուտի նախաձեռնությամբ, Տուշայի Համալսարանի և ԳԿՄԿ-ի միջև իրականացվող Erasmus+ միջազգային կրեդիտային ծրագրի շրջանակում, ս․թ․ մայիսի 26–27-ին ՀՀ ԳԱԱ Երկրաբանական գիտությունների ինստիտուտում դասախոսություններով հանդես կգա պրոֆեսոր Անդրեա Պետրոսելլին:
Անդրեա Պետրոսելլին Տուշայի համալսարանի հիդրոլոգիայի և հիդրավլիկայի պրոֆեսոր է, ինչպես նաև Italian Network of Universities for Sustainable Development (RUS)-ի գծով ռեկտորի պատվիրակ։ Նրա գիտական գործունեությունը ներառում է հիդրոլոգիական մոդելավորում, հեղեղների գնահատում, փոքր և չուսումնասիրված ջրհավաք ավազանների ուսումնասիրություն, ինչպես նաև բնական վտանգների մոդելավորում։
Դասախոսությունների թեմաները՝
• EBA4SUB (Event-based Approach for Small and Ungauged Basins)
• COSMO4SUB (Continuous Simulation Modelling for Small and Ungauged Basins)
• Virtual Rain (Stochastic Rainfall Generator)
Դասախոսությունների ժամանակացույցը՝
Մայիսի 26-ին՝ ժ․ 10:00–13:00
Տեսական դասախոսություն
EBA4SUB, COSMO4SUB և Virtual Rain ծրագրերի տեսական հիմքերի և կիրառությունների ներկայացում։
Մայիսի 27-ին՝ ժ․ 10:00–13:00
Գործնական սեմինար
Ծրագրերի գործնական կիրառություն և աշխատանք ուսանողների հետ։
Վայրը՝
ՀՀ ԳԱԱ Երկրաբանական գիտությունների ինստիտուտ / ԳԿՄԿ,
Երևան, Մարշալ Բաղրամյան 24 Ա
Հրավիրվում են մասնակցելու մագիստրանտները, ասպիրանտները, շրջանավարտները, երիտասարդ հետազոտողները և թեմայով հետաքրքրված բոլոր ուսանողները։