Կրկնակի դիպլոմի ծրագրի մրցույթ Տուշիայի համալսարան, Իտալիա

Տուշայի համալսարանի հետ կրկնակի դիպլոմի ծրագրի համագործակցության շրջանակներում ՀՀ ԳԱԱ Գիտակրթական միջազգային կենտրոնի Շուկայագիտություն մագիստրոսական կրթական ծրագրի ուսանողները կարող են 2021-2022 ուստարվա առաջին և երկրորդ կիսամյակները ուսանել Իտալիայի Տուշայի համալսարանում, Իտալիա:

Մասնակցության համար անհրաժեշտ է՝

• Լինել ՀՀ ԳԱԱ ԳԿՄԿ Շուկայագիտություն մասնագիտության առաջին կուրսի ուսանող /առկա/,
• Տիրապետել անգլերեն լեզվին՝ Լեզուների Եվրոպական շրջանակի B2 մակարդակին համապատասխան,
• Տիրապետել իտալերեն լեզվին՝ Լեզուների Եվրոպական շրջանակի B2 մակարդակին համապատասխան,
• Մրցույթի առաջին փուլին մասնակցելու համար անհրաժեշտ է մինչև ս.թ. մայիսի 31-ը ներառյալ ella.papikyan@isec.am և arusyak.harutyunyan@isec.am էլեկտրոնային հասցեներին ուղարկել հետևյալ փաստաթղթերը/ որպես մեկ pdf փաստաթուղթ/՝
• Մոտիվացիոն նամակ անգլերեն լեզվով` բացատրելով, թե ինչու եք ցանկանում ուսանել Տուշայի համալսարանում,
• ինքնակենսագրություն անգլերեն լեզվով (Europass ձևաչափ),
• Անգլերեն լեզվի հավաստագիր,
• Իտալերեն լեզվի հավաստագիր,
• անձնագրի պատճե

Ուսուցման լեզուներն են՝ իտալերեն և անգլերեն:

Փաստաթղթային փուլն հաղթահարած մասնակիցների հետ կանցկացվի բանավոր հարցազրույց:

Հարցազրույցն անցկացվելու է անգլերեն և իտալերեն լեզուներով:

Գնահատման չափանիշներն են՝

• Լեզվի իմացություն
• Մագիստրատուրա ընթացիկ ՄՈԳ
• Բակալավրի ՄՈԳ

Ուսանողին կտրամադրվի ամսական 850 եվրո կրթաթոշակ և 360 եվրո գումար` ճանապարհածախսը հոգալու համար:

Տուշայի համալսարանի վեբկայքը՝ http://www.unitus.it/

Լրացուցիչ հարցերի դեպքում կարող եք դիմել ՀՀ ԳԱԱ Գիտակրթական միջազգային կենտրոն, Արտաքին կապերի բաժին, հեռախոս՝ 060-62-35-98:

Ընդհանուր դրույթներ կրկնակի դիպլոմի ծրագրի մասին

Կրկնակի աստիճանի ծրագրին մասնակցող ՀՀ ԳԱԱ ԳԿՄԿ ուսանողները բոլոր չափանիշներով համապատասխանում են Տուշայի համալսարանի մագիստրոսական ծրագրերում ընդունված իտալացի ուսանողներին: Այդ իսկ պատճառով, նրանք ենթարկվում են Տուշայի համալսարանի ներքին կանոնակարգերով սահմանված բոլոր պարտականություններին, պարտավորություններին և ժամկետներին:

Յուրաքանչյուր ուսանող ուսումնառության ավարտին ներկայացնում է մագիստրոսական թեզ՝ Տուշայի և ԳԿՄԿ համապատասխան ամբիոնների դասախոսների համաղեկավարությամբ: Մագիստրոսական թեզը քննարկվում է երկու բուհերում՝ յուրաքանչյուր բուհի կանոնակարգերի համաձայն: Գործընկեր հաստատության մեկ կամ մի քանի անդամ կարող են մասնակցել միջամբիոնային հանձնախմբի աշխատանքներին: Մագիստրոսական թեզը գրվում է անգլերեն լեզվով:

ՀՀ ԳԱԱ ԳԿՄԿ ուսանողները ազատվում են Տուշայի համալսարանի դասընթացներին գրանցվելու համար պահանջվող վճարներից:

Ուսումնառության ավարտին ուսանողներին շնորհվում է երկու դիպլոմ՝ հայկական և իտալական: